BolgeXeber.Com » Siyasət » Fərman İsmayılovun nəşi Türkiyədən Bakıya yola salındı

Fərman İsmayılovun nəşi Türkiyədən Bakıya yola salındı

27-01-2021, 10:58
Oxunub: 728 Türkiyə şirkətinə məxsus Liberiya bayrağı altında üzən "Motsart" adlı gəmiyə hücum zamanı öldürülən azərbaycanlının nəşi azərbaycana göndərilib.
 
Modern.az-ın məlumatına görə, gəminin ikinci mühəndisi olan Fərman İsmayılovun nəşi səhər saatlarında Türk Hava Yolları (THY) ilə Azərbaycana yola salınıb.
 
F. İsmayılovun nəşini daşıyan təyyarı bu gün səhər saat 07:25-də İstanbul hava limanından havaya qalxıb.
 
Xatırladaq ki, yanvarın 23-də Nigeriya sahillərində dəniz quldurları Türkiyə şirkətinə məxsus Liberiya bayrağı altında üzən “Motsart” adlı gəmiyə hücum ediblər. Gəminin 19 heyət üzvündən 15-i girov götürülüb, hücum nəticəsində Fərman İsmayılov adlı azərbaycanlı mühəndis həlak olub.