BolgeXeber.Com » Siyasət » Deputat: “İlham Əliyevin seçilməsi zamanın tələbidir”

Deputat: “İlham Əliyevin seçilməsi zamanın tələbidir”

5-08-2013, 14:40

Oxunub: 5 771

Nəriman Əliyev: “Azərbaycan xalqı bu dəfə də seçimdə yanılmayacaq”
“İlham Əliyevin seçilməsi zamanın tələbidir və Azərbaycan xalqı bu dəfə də seçimdə yanılmayacaq”. Bu sözləri editor.az-a açıqlamasında Milli Məclisin deputatı Nəriman Əliyev söyləyib.
Onun sözlərinə görə, bunu Azərbaycanı məqsədli şəkildə gözdən salmaq istəyən beynəlxalq dairələrdə də, müxalifətdə də bilirlər:“Sadəcə onlar bu reallıqla barışmaq istəmirlər. Başa düşürlər ki, cəmiyyətdən heç bir ictimai dəstəkləri yoxdur və bu səbəbdən seçki prosesini ləkələməyə çalışırlar. İndi bütün dünya dövlətləri, o cümlədən Qərb, Avropa və MDB ölkələri prezident İlham Əliyevlə hesablaşır. Artıq Azərbaycan güc mərkəzlərindən birinə çevrilib. İndi onlar Azərbaycandan kömək istəyirlər və Azərbaycan özü xarici ölkələrə yardım edir. Bütün dünyada iqtisadi böhran gedir, Azərbaycanda isə sürətli inkişaf və yenidənqurma işləri davam edir. Azərbaycan xalqı Ulu Öndərin ideyalarına və Prezident İlham Əliyevin siyasətinə sadiqdir. Hamı çalışır ki, Azərbaycanda indiki sabitlik və müstəqillik qorunub saxlanılsın. Yeni Azərbaycan Partiyasının (YAP) cənab İlham Əliyevin namizədliyini növbəti dəfə irəli sürməsi Azərbaycan xalqı tərəfindən məmnuniyyət hissi ilə qarşılandı və qədirbilən Azərbaycan xalqı bundan öncəki seçkilərdə olduğu kimi, qarşıdakı seçkilərdə də cənab prezidentə səs verəcək”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]