Bizimlə əlaqə | Reklam
BolgeXeber.Com » Siyasət » Milli Şura mitinqin tarixini açıqladı

Milli Şura mitinqin tarixini açıqladı

11-09-2013, 15:35
Oxunub: 4 816 “Bircə Cəmil Həsənlinin böyük portretinin hazırlanması qalıb”
Milli Şuranın Mitinq Komitəsinin sədri Asəf Quliyev açıqlamasında bildirib ki, komitə növbəti mitinqin günü ilə bağlı qərar verib: “Növbəti mitinq sentyabrın 22-də keçiriləcək. Hazırlıq işləri gedir”.

A.Quliyev qeyd edib ki, hələlik mitinqin harada keçirəcəyi müəyyən edilməyib: “Bu gün hökumət namizədlərin seçicilərlə görüşməsi üçün ayrılan açıq və qapalı məkanların siyahısını açıqlayıb. Biz bu siyahıya nəzər yetirdik. Orada göstərilənlərdən ən münasibi Qələbə kinoteatrının arxasındakı stadiondu. Amma hələ ki, yer barədə konkret qərar verilməyib. Hakimiyyətin təklif etdiyi yerlərin hamısı bizim üçün əlverişli deyil. Çünki Hövsan, Xocahəsən kimi yerlərə seçicilərin getməsi çətindi. Təklif edilən yerlərdən biri seçilib, Bakı meriyasına müraciət olunacaq”.

Komitə sədri mitinqə hazırlıq işləri haqda danışıb: “Yer və digər məsələlərin dəqiqləşməsi üçün sabah Mitinq Komitəsi iclas keçirəcək. Şüarlar demək olar ki, hamısı hazırdı. Bircə Cəmil Həsənlinin böyük portretinin hazırlanması qalıb. Bu da 1-2 günə həll ediləcək. Mitinqə 20 min adam çıxarılması nəzərdə tutulub”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]