BolgeXeber.Com » Siyasət » Bütün Qafqazın Şeyxi Türkiyə parlamentinin spikeri ilə görüşüb

Bütün Qafqazın Şeyxi Türkiyə parlamentinin spikeri ilə görüşüb

20-07-2011, 11:30
Oxunub: 2 487
Qafqaz Müsəlmanları İdarəsinin sədri şeyxülislam Allahşükür Paşazadənin başçılıq etdiyi nümayəndə heyəti Türkiyə Diyanət İşləri Başkanlığının dəvəti ilə Ankarada səfərdədir.

Bolgexeber.com AzərTAc-ın məlumatına əsasən xəbər verir ki, səfər çərçivəsində Allahşükür Paşazadə Türkiyə Böyük Millət Məclisinin sədri Cəmil Çiçəklə görüşüb.

Qafqaz Müsəlmanları İdarəsinin sədri Cəmil Çiçəyi Türkiyə parlamentinin spikeri seçilməsi münasibətilə təbrik edib, gələcək fəaliyyətində uğurlar arzulayıb. Türkiyə Böyük Millət Məclisinin sədrinə Bakının mənzərəsi olan tablo hədiyyə edilib.

Mətbuat üçün qapalı davam edən görüşdə Azərbaycanın Türkiyədəki səfiri Faiq Bağırov, Azərbaycan Milli Məclisinin deputatları Fəttah Heydərov, Hüseynbala Mirələmov və digər rəsmi şəxslər iştirak ediblər.