Bizimlə əlaqə | Reklam
BolgeXeber.Com » Bölgə » Beyləqanda vəziyyət gərginləşir

Beyləqanda vəziyyət gərginləşir

30-01-2014, 07:10
Oxunub: 4 434 Rayon sakinləri İcra Hakimiyyətinin binası qarşısına toplaşaraq, etirazlara başlamaq istəyirlər

Artıq bir neçə gündür Beyləqan rayonunda vəziyyətin ağır olduğuna dair xəbərlər gəlir.Bir neçə gün əvvəl İcra Hakimiyyətinin təlmati ilə evləri sökülən 200-ə yaxın vətəndaş yürüş edərək, etirazlarını bildirmişdilər.

Hətta onlar işğal altında olan Dağlıq Qarabağa keçirəkə, bununla etirazlarını daha ağır formada təzahür etdirmək istəyiblər. Lakin işə yerli məmurların qarışmasından sonra vəziyyəti nisbətən sakitləşdirmək mümkün olmuşdu. Amma hadisələrin gedişatı və narazılıqların ən yüksək həddə çatması prosesi heç cür səngitmir.

Verilən məlumata görə, bir sıra problemlərdən əziyyət çəkən Beyləqan camaatı rayonun mərkəzində aksiya keçirmək fikrindədirlər. Onlar bildiriblər ki, üzləşdikləri problemlərini həll etməyən icra başçısı Vaqif Abdullayevin işdən çıxarılmasını tələb edəcəklər. Hətta lazım gələrsə, Bakıya gələrək, Prezident Admnistrasiyasının qarşısında da aksiya keçirəcəklər.

Bu əsnada Beyləqan rayonundakı Təbriz küçəsi 4 ünvanda yerləşən yaşayış binasının sakinləri də narazılıqlarını biruzə verməyə başlayıblar. Onlar binanın qarşısındakı yaşıllıq zolağının tikinti materialları altında qalmasından şikayətçidirlər. Və bununla əlaqədar dəfələrlə Vaqif Abdullayevə şikayət məktubları ünvanlayıblar. Lakin hər dəfəsində problem həllini tapmayıb. Buna görə də, həmin binanın sakinləri İcra Hakimiyyətinin binası önündə aksiya keçirməyi qərara alıblar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]