BolgeXeber.Com » Bölgə » Şəki bazarında müəmmalı yanğın

Şəki bazarında müəmmalı yanğın

3-02-2014, 06:50

Oxunub: 3 970

Bir Ticarət Mərkəzinin açılışı ərəfəsində digərinin yanması şübhələrə yol açıb, məsələdə icra başçısının adı hallanır

Bir neçə gün bundan əvvəl Şəki şəhərində fəaliyyət göstərən Ticarət Mərkəzinin yandığına dair məlumat yayılmışdı. FHN-in rəsmi açıqlamasında vurğulanırdı ki, şəhər ərazisində yerləşən ümumi sahəsi 2125 kv/m olan ticarət mərkəzində baş verən yanğının söndürülməsinə Qax, Qəbələ, Oğuz və Mingəçevirdən də yanğınsöndürənlər cəlb edilib.

Yanğın nəticəsində ticarət mərkəzinin 1200 kv/m sahəsi içərisindəki əşyalarla birgə yanıb. Yanğının digər tikililərə keçməsinin qarşısı alınıb. Hazırda isə yanğının baş vermə səbəbləri araşdırılır.

Şəkidə baş vermiş məlum yanğın hadisəsinin müəmmalı şəkildə baş verdiyinə dair şübhələr var. Belə ki, yaxın günlərdə şəhərin mərkəzində daha bir Ticarət Mərkəzi fəaliyyətə başlayacaq və onun icra başçısına məxsus olduğunu deyilir. Elə bir ticarət mərkəzinin açılışı ərəfəsində digərinin yanması hadisəsi də bu səbəbdən şübhələrə yol açıb.

Çox Oxunanlar