Bizimlə əlaqə | Reklam
BolgeXeber.Com » Bölgə » Neftçala İcra başçısı ilə sahibkarlar arasında qarşıdurma

Neftçala İcra başçısı ilə sahibkarlar arasında qarşıdurma

8-02-2014, 08:30
Oxunub: 5 989 Neftçalada İsmayıl Vəliyevin pul yığma istəyi iş adamlarını ayağa qaldırıb, rayonda aksiya gözlənilir

Bir qrup neftçalalı sahibkar rayon icra hakimiyyətinin başçısı İsmayıl Vəliyevin istefası tələbi ilə aksiyaa hazırlaşır.Bolgexeber.com xəbər verir ki, bu barədə Dia.az-a rayondakı iş adamları məlumat verib.

Xəbəri verən sahibkarlar bildirir ki, artıq iki ildir yerli iş adamları ilə icra başçısının arasında problem yaşanır: «Hətta bu problem səbəbindən İsmayıl Vəliyevin ən yaxın adamı belə həbsə göndərildi. Amma deyəsən, başçı öz bildiyindən əl çəkmək istəmir. Bəlkə də o, ümid edir ki, bizi öz istədiyi qanunlara, əvvəlki iş yerində hökm sürən rejimə öyrəşdirə biləcək».

Narazı iş adamlarının sözlərinə görə, əgər İsmayıl Vəliyev özbaşına olaraq müəyyən etdiyi pul yığımını dayandırmasa, onlar etiraz aksiyası keçirəcəklər: «Bütün rayondakı obyektlərdən yeni il başlayar-başlamaz pul yığmağa başlayıblar. Hamıya deyirlər ki, başçının tələbidir. Obyektlərimizin qarşısını öz pulumuzla təmir etdik. Halbuki həmin işlər icra başçısının ayağına yazıldı. Büdcədən nə qədər pul sildilər. Tamam, buna göz yumuruq. Amma bizdən əlavə haqq yığmağını dayandırmalıdır».

Onu da bildirək ki, sahibkarların tələbilə bağlı icra hakimiyyətindən münasibət öyrənmək cəhdlərimiz alınmayıb. Lakin yenə də qarşı tərəfin mövqeyini də işıqlandırmağa hazırıq…
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]