BolgeXeber.Com » Bölgə » Cəlilabadın icra başçısı Qəzənfər Ağayevi əvəz edəcək

Cəlilabadın icra başçısı Qəzənfər Ağayevi əvəz edəcək

11-02-2014, 10:15

Oxunub: 3 999

Əziz Əzizov Qəzənfər Ağayevi, ARDNŞ-in idarə rəislərindən biri isə Rövşən Bağırovu əvəzləyəcək

Xəbər verdiyimiz kimi, hökumət icra başçılarını dəyişmək üçün prosesə start verib. Fevralın 15-dən sonra bəzi icra başçılarının işdən çıxarılacağı, bəzilərinin isə başqa vəzifəyə keçiriləcəyinə dair bilgilər də mövcuddur.

JAM.AZ-ın əldə etdiyi məlumatlara görə, daha iki rayonun icra başçısı ilə bağlı məsələ qətiləşib. Həmin məlumatlarda deyilir ki, Cəlilabadın icra başçısı Əziz Əzizov Astaraya göndəriləcək və o, Qəzənfər Ağayevi əvəzləyəcək.

Mənbə bildirir ki, Qəzənfər Ağayevlə bağlı rəsmi qurumların mövqeyi hələ xeyli əvvəldən qətiləşibmiş. Buna səbəb onun Masallıda icra başçısı olarkən bazar qalmaqalı yaratması, ardından analoji addımı Astarada da atması olub. Qeyd edilir ki, Astaradakı durumu bərbad hala salandan sonra isə onun işdən çıxarılması məsələsi tam dəqiqləşib. Əzizovu ora göndərməkdə məqsəd isə sərhəd rayonu olan Astaradakı durumu normallaşdırmaq və prosesləri nəzarət altında almaqdan ibarətdir.

Bir digər təyinat isə Leriklə bağlı olacaq. Uzunmüddətdir bu rayona başçılıq edən Rövşən Bağırovun adı həm bir sıra qalmaqallı məsələlərdə hallanır, həm də onunla bağlı gəlinən yekun qənaət işinin öhdəsindən artıq gələ bilməməsindən ibarətdir. Məlumat verən mənbənin sözlərinə görə, Rövşən Bağırovu kənar şəxs deyil, elə ARDNŞ-in idarə rəislərindən biri əvəzləyəcək.
Bolgexeber.com

Çox Oxunanlar