Bizimlə əlaqə | Reklam
BolgeXeber.Com » Bölgə » Kürdəmirdə çobanlarla fermer əlbəyaxa oldular

Kürdəmirdə çobanlarla fermer əlbəyaxa oldular

19-02-2014, 08:40
Oxunub: 4 250 Rüstəmova yumruq, ağac və küt alətlə ağır xəsarətlər yetiriblər.

Kürdəmir rayonunda torpaq üstündə dava düşüb.

Rayon Polis Şöbəsindən verilən məlumata görə, hadisə rayonun Sığırlı kəndində qeydə alınıb.

Sığırlı kənd sakini olan fermer, 1951-ci il təvəllüdlü Rüstəmov Polad Ayazxan oğlu ilə Ağsu rayonundan olan çoban 1955-ci il təvəllüdlü Mürşüdov Yusif Əflatun oğlu arasında dava baş verib.

Hadisə zamanı Yusif Mürşüdov və onun oğlu 1988-ci il təvəllüdlü Daşqın Mürşüdov fermer Polad Rüstəmova və onun oğlu, 1978-ci il təvəllüdlü Samir Rüstəmova yumruq, ağac və küt alətlə ağır xəsarətlər yetiriblər.

Ata və oğul qolun və ayağın sınığı, ağır kəllə-beyin travması, bədənin müxtəlif nahiyələrinin əzilməsi diaqnozu ilə Kürdəmir Mərkəzi rayon Xəstəxanasına yerləşdirilib. Hadisə zamanı Yusif və Daşqın Mürşüdovlar isə yüngül xəsarət alıb. Məlumata görə, Polad Rüstəmov uzun illərdir ki, Sığırlı kəndində heyvandarlıq və əkinçiliklə məşğul olur.

Çobanlar isə həmin kəndin ərazisində Ağsu rayonundan olan bir fermerin mal-qarasını otarırlar. Onlar arasında mübahisənin 50 hektar torpaq sahəsi üstündə baş verdiyi bildirilir. Faktla bağlı Kürdəmir rayon Polis Şöbəsi tərəfindən araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]