Bizimlə əlaqə | Reklam
BolgeXeber.Com » Bölgə » Gədəbəyin icra başçısına qarşı yarım milyon manatlıq şok iddia

Gədəbəyin icra başçısına qarşı yarım milyon manatlıq şok iddia

1-03-2014, 07:25
Oxunub: 3 630 Daha bir rayonun icra başçısı ilə bağlı qəti qərar verilib. Xatırladaq ki, bu günlərdə verilən məlumatlarda bildirilirdi ki, 12 rayonun icra başçısının vəzifəsindən alınması gözlənilir. İndi isə bu heyətin tərkibi daha da genişlənib.

Hökumət içindəki məlumatlı mənbənin Dia.az-a bildirdiklərindən belə aydın olur ki, Gədəbəy rayon icra hakimiyyətinin başçısı Ramiz Yediyarovun vəzifəsindən alınması ilə bağlı qərar verilib.

Mənbənin söylədikləri: «Ramiz Yediyarovun «vurulması» onun keçən ilin yekunları ilə bağlı verdiyi hesabatından qaynaqlanır. Belə ki, bir il ərzində təkcə dəftərxana xərclərinə 20 min manatdan artıq vəsaiti xərcləyən bir icra başçısının hesabatındakı rəqəmlər maliyyə nazirliyinin ekspertlərinə də inandırıcı görünməyib».

Mənbə iddia edir ki, Ramiz Yediyarovun verdiyi maliyyə hesabatında 537 min manat dövlət vəsaitinin xərclənmə ünvanları ilə bağlı qeyri-müəyyənlik var: «Artıq neçənci icra başçısıdır ki, bu istiqamətdə yanlış buraxır. Doğrudur, digərlərinin hesabatları məqbul hesab olunub ki, bunun da bədəli ödənilib. Amma deyəsən, Ramiz Yediyarova eyni qaydada münasibət sərgilənməyəcək».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]