Bizimlə əlaqə | Reklam
BolgeXeber.Com » Bölgə » Sumqayıtda “Qurd dərəsi” massivində ölüm saçan elektrik xəttləri-Şikayət

Sumqayıtda “Qurd dərəsi” massivində ölüm saçan elektrik xəttləri-Şikayət

26-05-2014, 15:30
Oxunub: 5 314 Hazırda 300-dən yuxarı həyət, bağ evləri bu xətlərin altındadır

Bolgexeber.com-un redaksiyasına Sumqayıt şəhər Novxanı bağlarındakı “Qurd dərəsi” massivinin sakini olan Qarabağ müharibəsi əlilindən şikayət məktubu gəlib. Tofiq Cəfərov məktubda ərazidəki bağların, binaların üzərindən keçən yüksək gərginlikli elektrik xəttlərinin çox təhlükəli olmasından şikayət edir. Tofiq Cəfərov deyir ki, Sumqayıt şəhər Novxanı bağları, “Qurd dərəsi” massivində yerləşən evlərin çoxuna sənəd almaq mümkün deyil. Bu da bağların, binaların üzərindən çox təhlükəli, hər an qırılma ehtimalı olan yüksək gərginlikli elektrik xəttinin keçməsilə izah olunur: “Bu xəttin istifadə müddəti neçə illərdir bitib, amma hələ də işləyir. Bu işlə məşğul olan qurumlara dəfələrlə müraciət etmişik. Bizə söyləyiblər ki, bu xətlər yığışdırılacaq, ya başqa yerlərə köçürüləcək, ya da yerin altıyla keçəcək və onda sənəd veriləcək. Sonuncu müraciətimizin üstündən 5-6-il keçməsinə baxmayaraq, hələ də bir iş görülmür.
Hazırda 300-dən yuxarı həyət, bağ evləri bu xətlərin altındadır. Sizdən çox xahiş edirik, bu xətlərin yığışdırılmasına və bizim sənəd almağımıza kömək edəsiniz. Eşitdiyimizə görə, tapşırıqlar verilib, amma icra olunmur. Çox xahiş edirik, ümidimiz sizədir, neçə illər işləyib olmazın əziyyətlərlə, dişimizlə-dırnağımızla bağ düzəldib ev tikmişik. Amma bu evlərə sənəd ala bilmirik.
Mən özüm Qarabağ müharibəsi əliliyəm. Bütün sağlamlığımı döyüşlərdə itirmişəm. Amma bu gün başımın üstündəki damımı sənədləşdirə bilmirəm".
Qarşı tərəfin də mövqeyini dinləməyə hazırıq.
Mövzunu diqqətdə saxlayacağıq.
Bolgexeber.com







Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]