Bizimlə əlaqə | Reklam
BolgeXeber.Com » Bölgə » FHN zay çıxan evlərinin təmirinə başlayıb

FHN zay çıxan evlərinin təmirinə başlayıb

16-11-2011, 09:15
Oxunub: 6 486 Məlum olduğu kimi, bir müddət öncə “Kür” Vətəndaş Cəmiyyəti Qərargahının üzvləri yerli sakinlərin iştirakı ilə İmişlinin Telişli kəndində salınmış yeni qəsəbədəki evlərə baxış keçiriblər.

Baxış zamanı məlum olub ki, yeni tikilməsinə baxmayaraq (Yeni Telişli qəsəbəsi ötən ilin sonlarında istifadəyə verilib) evlərin bir çoxunda problemlər yaşanır.

Monitorinq zamanı bir çox evlərdə evə giriş pilləkənlərində, balkon və döşəmələrdə çatların əmələ gəlməsi, çökməsi, döşəmələrə vurulan taxtaların aralanması, divarların çatlaması və çəkilmiş üzlüklərin qopub tökülməsi, ucbatından yağan yağışların evə daxil olması və s. kimi faktlar qeydə alınıb.
Ən acınacaqlısı isə odur ki, yağış yağan zaman artıq bəzi evlərin damından su damması qeydə alınıb, bəzi evlərin tavanına vurulan alçipanlar qopub yerə tökülüb. Sakinlər bildiriblər ki, bütün bunlar görülən işlərin keyfiyyətsiz və başdansovdu aparılmasının nəticəsidir.
Telişli kəndində salınmış yeni qəsəbədəki mövcud problemlər və onların həlli ilə bağlı “Kür” qərargahı Fövqəladə Hallar Nazirliyinə müraciət edib. Artıq FHN mütəxəssisləri kənddə problemlərin aradan qaldırılmasına başlayıblar. Bu barədə məlumatı Telişli qəsəbəsində yaşayan yerli sakinlər “Kür” qərargahına bildiriblər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]