Bizimlə əlaqə | Reklam
BolgeXeber.Com » Bölgə » Masallıda əlillərə evi necə verirlər?

Masallıda əlillərə evi necə verirlər?

22-11-2011, 02:20
Oxunub: 11 419 Həmin evlərin əksəriyyətini rəis müavininə, bölmə rəislərinə, digər polis zabitlərinə kirayə veriblər

Son vaxtlar Masallıda əlillər üçün 2 bina tikilib. Sonuncu, 36 ailəlik bina isə 2 il öncə istifadəyə verilib. Bu 36 mənzilin 30-nu payladılar, 6-sını isə saxladılar. Halbuki növbədə kifayət qədər əlil var idi. Daha sonra bu evlərdən birini hərbidə şəhid olmuş bir gəncin ailəsinə verdilər. Bu günlərdə isə televiziyadan eşitdik ki, həmin mənzillərdən ikisi də Qarabağ əlillərinə verilib. Maraqlıdır, bina 2 ildir istifadəyə verilib, həmin əlillər də elə rayonda yaşayırdı. Bəs bina istifadəyə veriləndə onlar niyə yada düşmədi? Mən də istefada olan polis işçisiyəm, 2-ci qrup əliləm. 2007-ci ildən ev növbəsindəyəm. Bilirəm ki, həmin binada evlərin çoxu ehtiyacı olmayan şəxslərə verilib. Belə olmasaydı, həmin evlərin əksəriyyətini kirayəyə verib, orada rəis müavinini, bölmə rəislərini, digər polis zabitlərini əyləşdirməzdilər. Elə bu binanın qarşısında dayanan kirayənişinlərin xarici maşınlarına baxanda da bura heç əlillərin yaşadığı evə oxşamır.
Qısası, 36 mənzillik evi 2 ildir paylayırlar, lakin hələ də bir neçə mənzilin sakinini müəyyənləşdirə bilmirlər.

Cenubxeberleri.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]