Xəstənin qohumları həkimləri döydü
1-12-2011, 21:25
Oxunub: 4 690
Ölən xəstənin qohumları həkimlərdən qisas almaq istəyiblər
Cəlilabad rayon Mərkəzi Xəstəxanasının həkimləri döyülüb. Bolgexeber.com-un ANS PRESS-ə istinadən verdiyi məlumata görə, bu barədə rayon polis bölməsinin istintaq şöbəsinin rəisi Eldar Məmmədov açıqlamasında bildirib. Onun sözlərinə görə, bir qrup şəxs gecə saat 02:00 radələrində xəstəxanaya hücum çəkib, şüşələri qırıb və işçiləri döyüb.
Belə ki, 30 noyabr gecə saat 02:00 radələrində təcili tibbi yardıma müraciət edilib və 54 yaşında infarkt keçirmiş bir kişinin halının pis olduğu bildirilib. Həkimlər onu Mərkəzi Xəstəxanaya aparıblar. Ancaq xəstə dünyasını dəyişib. Bundan sonra həmin şəxsin yaxınları xəstəxanaya gəlib və həkimləri döyüblər.
Hadisə ilə bağlı Cinayət Məcəlləsinin 221.2.1 (Bir qrup şəxsin ictimai yerdə xuliqanlıq hərəkətləri etmə) maddəsilə cinayət işi qaldırılıb.
Məsələ ilə əlaqədar xəstəxananın baş həkimi Valeh Məmmədov açıqlamasında bildirib ki, ölən şəxsin yaxınlarının xəstəxanaya hücum çəkməsinin səbəbi ölümə görə həkimləri günahlandırmaları olub. Ancaq V. Məmmədovun sözlərinə görə, xəstə xəstəxanaya gətirilərkən yolda keçinib. Həkimlər əllərindən gələni etsələr də, onu həyata qaytarmaq mümkün olmayıb.
Qeyd edək ki, hadisə zamanı xəstəxananın 5 işçisi - təcili tibbi yardım maşınının sürücüsü Sücaət Hümbətov, reanimasiya şöbəsinin həkimi Sənan Rzayev, feldşerlər Mənsur Aslanov, İbadət Hüseynov və Ağaəli Qasımov döyülüblər.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər