Bizimlə əlaqə | Reklam
BolgeXeber.Com » Bölgə » Gəncə şəhərində dindarlarin aksiyasi dağidildi

Gəncə şəhərində dindarlarin aksiyasi dağidildi

5-12-2011, 15:55
Oxunub: 5 469 500-ə yaxin dindar yürüş keçirmək istəyib

Hər il olduğu kimi bu ildə Gəncə ərazisində məhərrəmlik ayı ilə bağlı dini mərasimlər qeyd olunur. Lakin Elmar Vəliyev Gəncə şəhərinə icra başçısı təyin olunandan sonra, Gəncədə dini dəyərlərə qarşı olan basqılar və bu mərasimlərin keçirilməsinə qarşı təzyiqlər artıb. Məhərrəm ayının 9-u Tasura günündə hər il olduğu kimi bu ildə yürüş etmək istəyən 500-ə yaxın Gəncə dindarı polis zorakılığı ilə üzləşib. Bu barədə Gəncə dindarları məlumat veriblər.

Gəncə dindarlarının verdiyi məlumata görə, bu gün səhər 500-ə yaxın dindar yürüş keçirtmək üçün Qazaxlar məscidinə yığışıb. Məscidin həyətinə toplaşan dindarlar, polis dəyənəkləri ilə dağıdılıblar. Bundan sonra məscidin həyətindən dağıdılan dindarlar, 16 nömrəli məktəbin həyətinə toplaşıblar. Bir neçə nəfər mülki geyimli polis əməkdaşı məktəbin həyətinə gələrək 2 nəfər inanclını vuraraq oradan uzaqlaşdırıblar. Ərazidə olan dindarlardan bir neçə nəfərini tutaraq polis bölməsinə aparıblar. Lakin bunlara baxmayaraq şəhərin mərkəzində pərakəndə şəkildə yürüşlər keçirilib. Eyni halda Şah Abbas məscidinə də toplanan dindarlar saxlanılaraq polis bölməsinə aparılıblar. Polislər bildiriblər ki, gedin şəhərin kənarından İmamzadəyə doğru yürüş edin, onsuzda şəhərin mərkəzində yürüş etməyə icazə verməyəcik. Dindarlar hazırda əzadarlıq üçün İmamzadəyə yollanıblar."

Gəncə dindarları həmçinin bildirdilər ki, "polislər İmamzadəyə gələrək bayraqları və şüarları söküb aparıblar. Ruhanilərimizə tapşırıblar ki, sizi əzadarlıq məclislərində görsək həbs edəcəyik.”

Xatırladaq ki, hər il Gəncə şəhərində Tasura və Aşura mərasimləri böyük izdihamla qeyd edilir. Elmar Vəliyevin Gəncə şəhərinə icra başçısı təyin olunandan bəri Gəncədə dindarlara qarşı təzyiqlər artıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]