BolgeXeber.Com » Bölgə » İnstitut həyətində özünü yandırdı

İnstitut həyətində özünü yandırdı

2-01-2012, 17:50

Oxunub: 4 402

Yanvarın 1-də Bərdə rayonunda dəhşətli intihar hadisəsi baş verib.

Bolgexeber.com-un məlumatına görə, Ağdam rayonundan məcburi köçkün, Bərdə rayon Meşəçilik İnstitutunun binasında məskunlaşmış 1972-ci il təvəllüdlü Əhmədov Yavər Zəfər oğlu üzərinə yandırıcı maddə tökərək, özünə od vurub. Hadisə saat 16 radələrində baş verib və həmin vaxt 39 yaşlı Y.Əhmədov sərxoş vəziyyətdə olub. Ailə üzvləri və qonşular onun özünə od vurduğunu görüblər və söndürməyə çalışıblar. Ağır xəsarətlər almış kişi Mingəçevir şəhər xəstəxanasına aparılıb.

Əməkdaşımıza verilən digər məlumata görə, Y.Əhmədov bir neçə gün əvvəl yaşadığı mənzili də yandırıb. Yanğınsöndürənlərin müdaxiləsindən sonra evin bir hissəsini yanğından mühafizə etmək mümkün olub və dekabrın 28-dən ailə yanmış daxmada yaşayırmış. Yeni il bayramı axşamı və bayramın sabahı günü Əhmədovun xeyli spirtli içki içib.

Faktla əlaqədar araşdırma aparılır.

Çox Oxunanlar