BolgeXeber.Com » Bölgə » Salyanda akisya keçirənə iş verildi

Salyanda akisya keçirənə iş verildi

12-01-2012, 19:15

Oxunub: 5 166

Bu gün Salyan rayon məhkəməsində hakim Həmid Əzizovun sədrliyi ilə qaz aksiyasına görə həbs olunmuş Qarabağlı kənd sakini Aqil Quliyevin növbəti məhkəmə iclası keçirilib.

Demokratiyaya Yardım İctimai Birliyinin sədri Emil Məmmədov Bolgexeber.com bildirib ki, hakim Aqil Quliyevin 6 ay müddətinə azadlıqdan məhrum etmə cəzası barədə qərar çıxarıb.

Xatırladaq ki, Aqil Quliyev ötən il noyabrın 28-də Qarabağlı kənd sakinlərinin təbii qazın verilməməsinə etiraz olaraq Şirvan-Salyan avtomobil yolunu bağladıqları aksiya dağıdılarkən sahə müvəkkili Elşən Yusifova xəsarət yetirməkdə təqsirli bilinirdi. Sahə müvəkkili məhkəmədə də çıxış edərək Aqilə 6 ay deyil daha artıq cəza verilməsini istəyib. Amma hakim bu istəyi nəzərə almayıb. Belə ki cinayət məcəlləsinin 315.1 maddəsi ilə ittiham olunan A. Quliyev 3 ilədək azadlıqdan məhrum oluna bilərdi.

Çox Oxunanlar