Bizimlə əlaqə | Reklam
BolgeXeber.Com » Bölgə » Qar Lerikin 70 kəndini işıqsız qoydu

Qar Lerikin 70 kəndini işıqsız qoydu

21-01-2012, 10:45
Oxunub: 6 363 Lerik rayonuna güclü qar yağıb.

Rayonun sakininin Bolexeber.com-a verdiyi məlumata görə, dünən axşamdan yağmağa başlayan qarın qalınlığı artıq 80-90 santimetrə çatıb. Qarın ağırlığından Şingədulan kəndindəki elektrik yarımstansiyası qəza vəziyyətinə düşüb, onlarla elektrik dirəyi aşıb, naqillər qırılıb. Güclü qar həmçinin nəqliyyatın hərəkətini də iflic vəziyyətə saldığından yaşayış məntəqələrinin bir-biri ilə əlaqəsi kəsilib.

Lerik Rayon Icra Hakimiyyəti başçısının müavini, rayon fövqəladə hallar komissiyasının sədri Habil Məlikov da açıqlamasında bu dağlıq yaşayış məntəqəsinə güclü yağıntının düşdüyünü, nəticə etibarı ilə rayonun elektrik təsərrüfatına ciddi ziyan dəydiyini bildirib. Onun sözlərinə görə, həyata keçirilən bərpa işləri sayəsində rayon mərkəzi də daxil olmaqla, əksər yaşayış məntəqələrinə enerjinin verilişi təmin olunub. Bununla belə 70-ə yaxın kənd hələ də işıqsız qalıb. H.Məlikov hava şəraitinin imkan verəcəyi təqdirdə digər yaşayış məntəqələrinə də enerji verilişinin tez bir zamanda bərpa olunacağını qeyd edib.
Hazırda rayonda qar yağmaqda davam edir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]