BolgeXeber.Com » Bölgə » Şəkidə "Azərişıq"ın işçisi intihar etdi

Şəkidə "Azərişıq"ın işçisi intihar etdi

12-06-2015, 11:02
Oxunub: 1 586 Şəkidə "Azərişıq"ın işçisi intihar etdiŞəkidə "Azərişıq" ASC-nin əməkdaşı intihar edib

Hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə iyun ayının 11-də, axşam saatlarında rayonun Kiş kəndində qeydə alınıb. Kiş kənd sakini, 1962-ci il təvəllüdlü Firus Xələf oğlu Allahyarovun meyiti yaşadığı evin həyətyanı sahəsində alma ağacından asılmış vəziyyətdə yaxınları tərəfindən aşkarlanıb.

Hadisə yerinə çağırılmış hüquq-mühafizə orqan əməkdaşlarının apardıqları araşdırma zamanı məlum olub ki, 53 yaşlı Firus Allahyarov intihar edib.

Məlumatda bildirilir ki, üç uşaq atası olan Firus Allahyarov "Azərişıq" ASC-nin Şəki rayon şəbəkəsində montyor işləyib.Onun banklardan birinə borclu olduğu bildirilir.

Faktla bağlı Şəki rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlanıb.
Bolgexeber.com