BolgeXeber.Com » Bölgə » Ağsuda icra başçısının evinin yanması ilə bağlı təkzib gəldi-"Yalan məlumatdır"

Ağsuda icra başçısının evinin yanması ilə bağlı təkzib gəldi-"Yalan məlumatdır"

13-06-2015, 15:58

Oxunub: 3 489

"Bu haqda mətbuatda yayılan məlumatlar tamamilə əsassızıddır və həqiqətə uyğun deyil"

Xatırladaq ki,dünən iyunun 12-i BOLGEXEBER.COM saytında musavat.com-a istinadən “Ağsunun icra başçısının evi yandı” adlı uyazı getmişdir.Yazıda bildirilirdi ki, icra Ağsu icra başçısının Ağsu rayonunun Pirhəsənli kəndində olan evində yanğın hadisəsi baş verib.
Kənd sakinlərinin musavat.com-a verdiyi məlumata görə, yanğın uzun müddət davam edib. Yanğına elektrik xəttində olan qısaqapanmanı səbəb olduğu ehtimal edilib. Məlumatda bildirilirdi ki,hadisə yerinə gələn yanğınsöndürənlər isə icra başçısı tərəfindən həyətə buraxılmayıb. Yanğını icra başçısının yaxın qohumları söndürüblər.

Nəticədə ikimərtəbəli evin bir hissəsi, çardaq isə bütünlüklə yanıb. Yanğın nəticəsində xəsarət alanların olmadığı bildirilir. Bu gün günorta saatlarında İcra Hakimiyyətinin rəsmisi məsələ ilə bağlı BOLGEXEBER.COM-la əlaqə saxlayıb. Dərc olunan yazılara münasibət bildirən Ağsu rayon İcra Hakimiyyətinin rəsmisi Bolgexeber.com-a açıqlamasında bildirdi ki,dünən icra başçısının evində heç bir yanğın hadisəsi baş verməyib. "Bu haqda mətbuatda yayılan məlumatlar tamamilə əsassızıddır və həqiqətə uyğun deyil",- deyə icra hakimiyyətinin məsul şəxsi qeyd etdi.
BOLGEXEBER.COM

Çox Oxunanlar