BolgeXeber.Com » Bölgə » Zakir Qaralov vətəndaşları qəbul edib – Masallıda

Zakir Qaralov vətəndaşları qəbul edib – Masallıda

19-06-2015, 15:42
Oxunub: 3 299 Zakir Qaralov vətəndaşları qəbul edib – MasallıdaBaş Prokuror Zakir Qaralov Masallıda vətəndaşları qəbul edib.

Bolgexeber.com xəbər verir ki, Masallı rayon prokurorluğunun inzibati binasında keçirilən qəbulda Masallı, Lənkəran, Lerik, Astara və Yardımlı rayonlarından olan vətəndaşlar iştirak edib.
Baş Prokurorluğun məsul əməkdaşlarının, habelə əlaqədar tabe prokurorların iştirakı ilə keçirilən qəbulda baş prokuror bölgədə yaşayan 50-yə yaxın vətəndaşın müraciətlərində qaldırılan və bilavasitə prokurorluq orqanlarının səlahiyyətlərinə aid olan məsələlər üzrə onların qanunauyğun və operativ şəkildə həlli üçün Baş Prokurorluğun əlaqədar struktur qurumlarının rəhbərlərinə və tabe rayon prokurorlarına müvafiq göstərişlər verilib. Gün ərzində baş prokuror tərəfindən qəbul edilən vətəndaşların müraciətlərinin böyük əksəriyyəti elə yerindəcə öz həllini tapıb.
Vətəndaşların ərizə və şikayətlərində qaldırılan məsələlərin, o cümlədən konkret cinayət işlərinin istintaqı və törədilmiş cinayətlər barədə məlumatların araşdırılması zamanı yol verilmiş qanun pozuntuları ilə əlaqədar və sosial problemlərə aid müraciətlərin bilavasitə prokurorluqda və ya aidiyyəti üzrə müvafiq icra orqanlarında operativ həlli üçün təxirəsalınmaz zəruri tədbirlərin görülməsi təmin edilib.