BolgeXeber.Com » Bölgə » Toyda qardaş qardaşı öldürdü

Toyda qardaş qardaşı öldürdü

15-10-2010, 13:10
Oxunub: 3 050

Qazaxda dəhşətli qətl hadisəsi baş verib

Oktyabrın 14-də 19:00 radələrində Qazax rayon Daş Salahlı kəndində qətl hadisəsi baş verib. Rayon prokurorluğundan verilən məlumata görə, kənd sakini Pənahov Novruz Kamil oğlu (1957) kiçik qardaşı Əliyev Nahim Kamil oğlunu (1960) bıçaqlayaraq öldürüb.

Üç bıçaq yarası almış N.Əliyev hadisə yerindəcə dünyasını dəyişib. Məlumata görə, hadisə şəxsi münaqişə zəminində baş verib. Həmin vaxt qardaşların sərxoş olması da istisna olunmur. Belə ki, qonşuluqdakı toyda iştirak edən qardaşların arasında mübahisə yaranıb və nəticədə qanlı olay törədilib.

Faktla bağlı Qazax rayon Prokurorluğunda Cinayət Məcəlləsinin 120.1 maddəsi ilə iş başlanılıb. 53 yaşlı N.Pənahov şübhəli şəxs qismində saxlanılıb.