Bizimlə əlaqə | Reklam
BolgeXeber.Com » Bölgə » Rayonlara gedən yollardakı məhdudiyyətlər aradan qalxıb

Rayonlara gedən yollardakı məhdudiyyətlər aradan qalxıb

1-02-2012, 10:40
Oxunub: 5 798
Azərbaycanda rayonlara gedən yollardakı məhdudiyyətlər aradan qalxıb

Azərbaycanda hava şəraitinin nisbətən mülayimləşməsi ilə respublikanın rayonlarına gedən bəzi yollardakı məhdudiyyətlər aradan qalxıb.

Respublika Baş Dövlət Yol Polisi İdarəsindən verilən məlumata görə, magistral yollarda buzlar əriyib. Yalnız Ağsu aşırımının bəzi hissələrində buzlaşma var.

İdarədən bildirilib ki, ötən gün respublika ərazisində 14 yol qəzası baş verib, nəticədə 3 nəfər ölüb, 17 nəfər xəsarət alıb.

Qəzaların 3-ü (1 ölüm, 3 xəsarət) Bakıda baş verib.

Ölümlə nəticələnən hadisələr piyadaların vurulması olub və Bakının Xətai royununda, eləcə də Hacıqabul və Abşeron rayonlarında qeydə alınıb.

Siyəzən və Lənkəran rayonlarında qeydə alınan yol qəzalarında isə 5 nəfər xəsarət alıb.

Qeyd edək ki, sinoptiklər sabahdan respublikada hava şəraitinin kəskin soyuyacağı, yolların buz bağlayacağı barədə məlumat yayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]