BolgeXeber.Com » Bölgə » Füzulidə iftar süfrələri açılmışdır-FOTO

Füzulidə iftar süfrələri açılmışdır-FOTO

17-07-2015, 10:48

Oxunub: 3 644

Ramazan həmrəylik, dostluq, qardaşlıq, sevgi, mərhəmət və ruzi ayıdır

Bolgexeber.com bildirir ki,Müqəddəs Ramazan bayramı münasibətilə Füzuli rayon İcra Hakimiyyəti tərəfindən Horadiz şəhərində, Bala Bəhmənli kəndində və 1 №-li Qayıdış qəsəbəsində şəhid ailələri, Qarabağ əlilləri, imkansız ailələr və dindarlar üçün iftar süfrələri təşkil olunmuşdur. Dindarların, imkansız şəxslərin, qocaların, şəhid ailələri üzvlərinin, veteranların, məcburi köçkünlərin iştirak etdikləri iftar mərasimlərində Qurani-Kərimdən ayələr oxunmuş, dualar edilmiş, şəhidlərin ruhu yad edilmişdir. Qeyd olunmuşdur ki, Azərbaycanda təşkil olunan iftar süfrələri ölkəmizin ənənəvi tolerantlığını və sıx birliyini nümayiş etdirir.
Bayram münasibəti ilə rayon ərazisində həmçinin Bakı, Sumqayıt, Şirvan şəhərlərində, o cümlədən ayrı–ayrı rayonlarda məskunlaşmış şəhid ailələri, Qarabağ əlilləri və maddi vəziyyəti ağır olan ailələrə bayram sovqatları verilmişdir.
Rayonun bir çox yaşayış məntəqələrində iftar süfrələri təşkil olunmuşdur.
İftar süfrəsinə qatılanlar diqqət və qayğıya görə ölkə başçısına minnətdarlıqlarını bildirmişlər.

Çox Oxunanlar