BolgeXeber.Com » Bölgə » Saatlı peşə liseyində maaş üsyanı

Saatlı peşə liseyində maaş üsyanı

7-08-2015, 11:23

Oxunub: 1 287 Saatlı peşə liseyində maaş üsyanı

Saatlı peşə liseyinin müəllimləri iyun ayının maaşını və məzuniyyət pullarını ala bilməyiblər

Bolgexeber.com xəbər verir ki, sözügedən liseyin müəllimi Mirqasım Abbaslı məlumat verib.
"Tezadlar.az"-a müəllimlərin vəziyyətinin kritik olduğunu deyən M.Abbaslı məsələnin ictimailəşdirilməsini istəyib. Şikayətçinin açıqlamasından məlum olub ki, pedaqoji kollektivdə doğrudan da “maliyyə krizi” yaşanır:
“Bütün müəllimlərin banklara kredit borcu var. Bəs biz bu kredit borclarını, onun gecikmə faizlərini necə ödəyəcəyik? Hər gün müəllimlər liseyə toplaşıb göz yaşı tökürlər. Belə də zülm olar? Niyə biz öz halal məvacibimizi ala bilmirik?
Saatlı rayon İcra Hakimiyyətinin başçısı Siraqəddin Cabbarov da müəllimlərin acınacaqlı durumundan xəbərdar olsa da, çox təəssüf ki, hələlik heç bir müsbət nəticə yoxdur. İcra başçısı məzuniyyətdən yeni qayıdıb, ümid edirik ki, onun məsələyə müdaxiləsi problemi tezliklə aradan qaldıracaq”.

Çox Oxunanlar