Muğan düzündə orta əsr kənd tipli yaşayış məskəni aşkarlanıb
20-02-2012, 13:30
Oxunub: 3 758
Azərbaycanın Neftçala rayonunun Boyat kəndində inkişaf etmiş orta əsrlər dövrünə aid kənd tipli yaşayış yeri aşkarlanıb
Azərbaycan Milli Elmlər Akademiyasının Arxeologiya və Etnoqrafiya İnstitutunun böyük elmi işçisi, tarix üzrə fəlsəfə doktoru Anar Ağalarzadə deyib ki, Boyat orta əsr yaşayış məskəni Salyan-Neftçala yolunun sol tərəfində, asfalt yoldan 5 km cənub istiqamətdə eyniadlı kəndin yaxınlığındadır. Yaşayış yeri əkin sahələrinin arasında yerləşir. Təsərrüfat işləri zamanı abidə tamamilə dağıdılıb.
"Bütün bunları ətrafa səpələnmiş şirli və şirsiz saxsı məmulatlar təsdiq edir. Şirli qablar ağ, çəhrayı, yaşıl rənglidir və üzəri şəffaf şirlə örtülüb. Demək olar ki, saxsı məmulatı çox kiçik fraqmentlər halında olduğundan onların məişətdə nə məqsədlə istifadə edildiyi aydınlaşmır. Yaşayış yerinin şirsiz saxsı məmulatı qulp, qapaq və qazan fraqmetlərindir", - Ağalarzadə əlavə edib.
O bildirib ki, gələcəkdə abidədə aparılacaq arxeoloji qazıntılar zamanı daha mühüm əhəmiyyətə malik artefaktların aşkara çıxarılacağı şübhəsizdir. Çünki Muğan düzündə eynilə bu tip abidələrin sayı kifayət qədərdir. Lakin ümumiyyətlə, Azərbaycan ərazisində kənd tipli orta əsr yaşayış məskənlərinin zəif öyrənilməsi müəyyən elmi nəticələrin əldə olunmasına imkan vermir.
Tarixçi hesab edir ki, bütün bunlar tədqiqatlar zamanı öz yerini tapacaq.
Çox Oxunanlar
- 28-02-2023, 14:47 : Tərtərdə Azərbaycanın Milli Qəhrəmanı Elman Hüseynovun doğum günü münasibəti ilə tədbir keçirilib
Bölgə / Xəbərlər
- 6-03-2023, 15:17 : DYP bu şəxslərə MÜRACİƏT ETDİ
Gündəm / Xəbərlər
- 28-02-2023, 09:31 : Bu gün Od Çərşənbəsidir
Gündəm / Xəbərlər
- 27-02-2023, 12:20 : Bu ərazilərdə yaşayanların NƏZƏRİNƏ
Sosial / Xəbərlər
- 1-03-2023, 10:27 : Azərbaycanda hündür mərtəbəli binalara QADAĞA QOYULUR?- ŞOK İDDİA
Sosial / Xəbərlər
- 6-03-2023, 13:01 : Bu gün Xalqxeber.Az xəbər saytının 11 yaşı tamam olur
Gündəm / Xəbərlər
- 4-03-2023, 15:43 : Marketdə baş verən hadisənin pərdəarxası tərəfi
Gündəm / Xəbərlər
- 27-02-2023, 10:20 : Bu yollardan istifadə edən SÜRÜCÜLƏRİN NƏZƏRİNƏ
Sosial / Xəbərlər
- 3-03-2023, 16:20 : Yeni dünya düzəni yenidən formalaşmaqdadır
Analitika / Xəbərlər
- 4-03-2023, 09:05 : "Formula 1" mövsümünə START VERİLDİ
İdman / Xəbərlər