BolgeXeber.Com » Bölgə » Güclü dolu 3 rayonu viran qoydu

Güclü dolu 3 rayonu viran qoydu

12-09-2015, 15:06

Oxunub: 908 Güclü dolu 3 rayonu viran qoydu

Azərbaycanın şimal-qərb bölgəsinə güclü dolu düşüb

Bu gün saat 05:00 radələrindən başlayaraq iki saat ərazində Balakən, Zaqatala və Qax rayonlarında qeyri-sabit sabit hava şəraiti hökm sürüb.

Balakən Rayon İcra Hakimiyyətindən (RİH) verilən məlumata görə, rayonun Talalar, Tülü, Yeni Şərif, Qaysa, Xalatala və s. kəndlərində güclü küləklə müşayiət olunan yağış yağıb, əraziyə qısamüddətli dolu düşüb. Dolu yağması nəticəsində adıçəkilən kəndlərdə əhalinin şəxsi təssərüfatlarına, meyvə bağlarına ciddi ziyan dəyib, bir sıra evlərin dam örtüyü zədələnib, əraziyə elektrik enerjisinin verilməsində fasilə yaranıb.

Hazırda Balakən rayon Fövqəladə Hallar Komissiyasının (FHK) əməkdaşları əhaliyə dəyən ziyanın miqyasını dəqiqləşdirmək üçün iş aparır.

Zaqatala RİH-dən apa-ya bildirilib ki, rayonun Uzuntala, Höytala, III Tala, Dağlı, Bəhmədli kəndlərinin və Əliabad qəsəbəsinin inzibati ərazilərinə güclü küləklə müşayiət olunan yağış yağması və qısamüddətli dolu düşməsi nəticəsində əhalinin meyvə bağlarına ciddi ziyan dəyib, bir sıra evlərin dam örtüyü zədələnib, əraziyə elektrik enerjisinin verilməsində fasilə yaranıb.

Qeyri-sabit hava nəticəsində Qaxın Qorağan, Tasmalı və Zəyəm kəndlərində də oxşar vəziyyət yaranıb. Hazırda Zaqatala və Qax rayonlarının FHK əməkdaşları ərazidə əhaliyə dəymiş ziyanın miqyasını hesablayır.

Qeyd edək ki, bölgədə keçən qeyri-sabit hava şəraiti nəticəsində Balakən rayonunun Gərəkli kəndində yaşayış evi ildırım düşməsi nəticəsində yanıb. Ev sahibi və onun 1 yaşı tamam olmayan körpə qızı yanıq xəsarətləri alaraq Balakən Rayon Mərkəzi Xəstəxanasına yerləşdiriliblər.
Bolgexeber.com

Çox Oxunanlar