BolgeXeber.Com » Bölgə » Tərtərdə Müəllimlər günü qeyd olundu-FOTOLAR

Tərtərdə Müəllimlər günü qeyd olundu-FOTOLAR

3-10-2015, 18:48

Oxunub: 6 803

5 oktyabr-Beynəlxalq Müəllimlər günü münasibəti ilə “Asiman” şadlıq sarayında rayonun təhsil işçilərinin bayram toplantısı keçirilmişdir

Bolgexeber.com-un məlumatına görə Tədbirdə iştirak edən rayon Tərtər icra hakimiyyətinin başçısı Müstəqim Məmmədov müəllimləri peşə bayramları münasibəti ilə təbrik edərək, Azərbaycan Respublikasının Prezidenti cənab İlham Əliyevin təhsilə göstərdiyi diqqət və qayğıdan, rayonun təhsil işçilərinin əldə etdiyi nailiyyətlərdən danışdı. Bildirdi ki, təhsil işçilərinin bayramlarını yüksək əhval-ruhiyyə ilə qeyd etməyə haqları var. Bu il rayonumuzdan 181 nəfər ali, 60 nəfər isə orta-ixtisas məktəblərinə, 5 nəfər C.Naxçıvanski adına hərbi liseyə daxil olmuşdur. 6 nəfər 600-dən, 16 nəfər isə 500-dən yuxarı bal toplamışdır.
Rayonumuzda sayılıb-seçilən, adlı-sanlı müəllimlərimizdə çoxdur. Onlardan 5 nəfər “Əməkdar müəllim” adına, 4 nəfər “Tərəqqi” medalına, 4 nəfər “Qabaqcıl maarif xadimi” döş nişanına layiq görülüb.
Bayram günündə isə daha bir müəllimimiz Soyulan kənd tam orta məktəbinin müəllimi Afaq Xəlilova “Əməkdar müəllim” adına layiq görülüb.
Afaq müəlliməni və onun şəxsində bütün təhsil işçilərini təbrik edən rayon rəhbəri bir qrup müəllimə rayon icra hakimiyyəti və təhsil şöbəsi tərəfindən Fəxri Fərmanlar təqdim etmişdir.
Tədbir rayon mədəniyyət evinin hazırladığı konsert proqramı ilə davam etmiş, rayon təhsil şöbəsinin müdiri Surxay Mirzəyev, “Əməkdar müəllim” adına layiq görülmüş Afaq Xəlilova, rayon icra hakimiyyətinin aparıcı məsləhətçisi-yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Tunarə Məmmədzadə, təhsil şöbəsinin aparıcı məsləhətçisi Rasim Bayramov da ürək sözlərini bildirərək, təhsil işçilərinə göstərilən diqqət və qayğıya görə ölkə rəhbəri cənab İlham Əliyevə öz minnətdarlıqlarını bildirmişlər.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]