BolgeXeber.Com » Bölgə » Hacıqabulda Heydər Əliyev Mərkəzində Müstəqilliyi günü münasibəti ilə tədbir keçirilib-FOTOLAR

Hacıqabulda Heydər Əliyev Mərkəzində Müstəqilliyi günü münasibəti ilə tədbir keçirilib-FOTOLAR

15-10-2015, 15:52

Oxunub: 5 438

Ən böyük nailiyyətimiz əbədi müstəqilliyimizdir

15 oktyabır 2015-ci il tarixində Hacıqabul rayon Heydər Əliyev Mərkəzində 18 oktyabr Azərbaycanın Dövlət Müstəqilliyi günü münasibəti ilə tədbir keçirildi.Tədbirdə rayonun İcra Hakimiyyətinin nümayəndəsi, 1, 8, 10 saylı məktəbinin müəllim və yuxarı sinif şagirdləri, mədəniyyət işçiləri, “Hacıqabul” qəzetinin əməkdaşı və Uşaq və Ailələrə Dəstək Mərkəzinin əməkdaşları iştirak etdilər.Tədbir iştirakçıları əvvəlcə Mərkəzdə Azərbaycanın Dövlət Müstəqilliyi ilə əlaqədar dərnək üzvlərinin əl işlərindən ibarət sərgiyə tamaşa etdilər.Sərgidə əsasən müstəqilliyimizin simvollarının rəsimləri geniş yer tuturdu.Sonra Mərkəzin Kino zalında Müstəqillik gününə həsr olunmuş “Ən böyük nailiyyətimiz əbədi müstəqilliyimizdir” adlı tədbir açıq elan edildi.Azərbaycanın Dövlət Himni səsləndirildikdən sonra tədbiri Mərkəzin direktoru Aytən Zülfəliyeva “Heydər Əliyevin sözləri ilə açdı “ Tarix dəfələrlə sübut etmişdir ki, xalqın əvəssiz milli sərvəti olan müstəqilliyin qorunması, onun əldə edilməsindən qat-qat ağır və mürəkkəb vəzifədir”.Çıxışının sonunda qeyd etdi ki, azadlığı, suverenliyi, müstəqil dövləti olmayan xalqın millətlər içində yaşamaq haqqı yoxdur.İyrimi dörd illik inkişaf yolumuzun ən parlaq nəticəsi ondan ibarətdir ki, bu gün Azərbaycan sözün əsil mənasında tam müstəqil ölkədir.
Sonra 8 saylı humanitar fənnlər üzrə məktəb-liçeyin tarix müəllimi Fariz Ağayev, İcra Hakimiyyətinin nümayəndəsi Turanə İmanova, “Hacıqabul” qəzetinin əməkdaşı Səadət Kərimova, Mərkəzi kitabxananın əməkdaşı Gülşən Əskərova çıxış etdilər. Sonda Müstəqillik gününə həsr olunmuş sənədli filmə tamaşa edildi.

Hacıqabul rayon Heydər Əliyev Mərkəzinin direktoru Aytən Zülfəliyeva

Bolgexeber.com

Çox Oxunanlar