BolgeXeber.Com » Bölgə » Sel Masallını bu hala saldı - Əhali icra orqanlarını günahlandırır

Sel Masallını bu hala saldı - Əhali icra orqanlarını günahlandırır

1-11-2015, 13:11
Oxunub: 3 109 Sel Masallını bu hala saldı - Əhali icra orqanlarını günahlandırırMasallı rayon sakinləri ölkənin cənib bölgəsində baş verən sel fəlakətinə görə icra struktukturlarını günahlandırır

Bolgexeber.com bildirir ki,bu barədə aznews.az-a Masallı rayon sakini Rüfət Baxışbəyli şikayət edib. O, son 20 ildə hər il bu vaxtlarda çayların daşaraq əhaliyə və dövlətə ziyan vurduğunu, icra strukturklarının isə heç bir addım atmadığını bildirib: “Masallı rayonunun Hacıtəpə kəndindən keçən Ağ Qobu çayı məcrasından çıxıb, evləri, əkin sahələrini və yolları basıb. 300 ildən yuxarıdır insanlar bu çayın o tay-bu tayında yaşayır. Son 20 ildə isə bu çay hər il beləcə daşır və xalqa ziyan vurur”.

R.Baxışbəyli kəndin su altında qalmasının səbəbini belə izah edib: “Qeyri-düzgün bəndləmə aparılması və icra strukturlarının etinasızlığı əhalini bədbəxt edir. Təbii yolla yaranmış çayları nə qədər o tərəf-bu tərəfə “dartışdırmaq” olar? Nə qədər qarşısını kəsmək olar? İnsanlara qarşı bu qədər etinasızlıq olmaz”.

Qeyd edək ki, oktyabrın 30-da Azərbaycanın Cənub bölgəsinin əksər rayonları təbii fəlakət zamanı sel sularının altında qalıb. Nəticədə isə rayonlara böyük ziyan dəyib.

Qeyd edək ki, yağışın rayonlar da sabah da davam edəcəyi proqnozlaşdırılır.
Bolgexeber.com