BolgeXeber.Com » Bölgə » Tərtərdə səsvermə uğurla başa çatmışdır-FOTOLAR

Tərtərdə səsvermə uğurla başa çatmışdır-FOTOLAR

2-11-2015, 12:05

Oxunub: 2 099

Cəbhə bölgəsində yerləşən Tərtər rayonunda seçkilər uğurla başa çatıb

Tərtərli seçicilər məntəqələrə gələrək öz seçki hüquqlarından istifadə edərək, istədikləri namizədə səs veriblər.Bolgexeber.com bildirir ki,parlament seçkiləri 95 saylı Tərtər seçki dairəsinin 41 məntəqəsində keçirilib. Məntəqələrdə seçkilərin azad, ədalətli, demokratik və şəffaf keçirilməsi üçün hər cür şərait yaradılmış, 8 məntəqədə veb-kamera quraşdırılmışdır. Dairə üzrə seçicilərin ümumi sayı 40834 nəfərdir. Səsvermənin yekun nəticələrinə görə seçicilərin 55 % səsvermədə iştirak etmişdir. Səsvermənin gedişini 446 yerli və beynəlxalq müşahidəçi izləmişdir. “ELS” Müstəqil Araşdırmalar Mərkəzi və Azərbaycan Gənclərinin Hüquqlarının Müdafiə Mərkəzi “Opinion Way” Sosioloji Tədqiqatlar İnstitutu ilə birgə dairə ərazisində “exit-poll” keçirmişdir. Yerli və beynəlxalq müşahidəçilərin rəylərinə və “exit-poll”un yekun nəticələrinə əsasən Tərtər rayonunda seçkilər azad, demokratik və şəffaf şəkildə keçirilmişdir. Dairə üzrə 6 nəfər namizəd deputatlıq uğrunda mübarizə aparmışdır.
Tərtər rayonunda gənclər və yaşlı nəslin nümayəndələri də seçkilərdə fəal iştirak edirlər. 95 saylı Tərtər seçki dairəsi üzrə seçicilərin 644 nəfəri ilk dəfə olaraq seçki hüququndan istifadə edən gənclərdir. 955 nəfərinin yaşı 80-100 arası, 22 nəfərin yaşı isə 100-dən yuxarıdır. Rayonun ən yaşlı seçiciləri olan Seydimli kənd sakinləri 117 yaşlı Minə Əliyeva, 108 yaşlı Ülkər Mirzəyeva və Səhləbad kənd sakini 115 yaşlı Gövhər Almuradova da seçkilərdə səs veriblər.
Bolgexeber.com

Çox Oxunanlar