BolgeXeber.Com » Bölgə » Bu gün İmişli rayonunun daha 2 kəndinə təbii qaz verilib

Bu gün İmişli rayonunun daha 2 kəndinə təbii qaz verilib

19-11-2015, 16:32

Oxunub: 2 998

Ümumilikdə 940 abonenti olan hər iki kəndin qazlaşdırılması işi başa çatdırılıb

İmişli rayonunun Qaralar və Cavadxanlı kəndlərinə "mavi yanacaq" verilib.
Bu münasibətlə keçirilmiş tədbirdə İmişli rayon icra hakimiyyətinin başçısı cənab Vilyam Hacıyev, Milli Məclisin üzvləri Əsabil Qasımov və Çingiz Qənizadə, "Azəriqaz" İstehsalat Birliyinin və rayon icra hakimiyyətinin təmsilçiləri, ictimaiyyət nümayəndələri iştirak ediblər. Tədbirdə çıxış edən rayon icra hakimiyyətinin başçısı cənab Vilyam Hacıyev dövlət başçısının regionların inkişafına göstərdiyi qayğıdan danışıb. Bildirib ki, rayonda kəndlərin qazlaşdırılması davam etdirilir. Kənd yolları da abadlaşdırılır, yeni sosial obyektlər inşa edilir. Rayonda təhsil ocaqlarının 80 faizi yenidən qurulub və əsaslı təmir edilib. Hazırda isə rayonda 2 körpələr evi-uşaq baxçasının tikintisi başa çatmaq üzrədir.Bolgexeber.com

Çox Oxunanlar