BolgeXeber.Com » Bölgə » Azərbaycanda ana 7 yaşlı qızını boğaraq öldürüb

Azərbaycanda ana 7 yaşlı qızını boğaraq öldürüb

13-04-2012, 10:00

Oxunub: 4 417

Hadisəni törədən ana 9 il əvvəl 4 aylıq körpəsini də suda boğub

Goranboyun Balakürd kəndində dəhşətli qətl baş verib. Kənd sakini, 40 yaşlı Pərvanə Kərimova birinci sinifdə oxuyan qızı Nüranə Quliyevanı boğaraq öldürüb.

APA-nın Qarabağ bürosunun xəbərinə görə, hadisəyə məktəblinin dərslərinə yaxşı hazırlaşmamasının səbəb olduğu bildirilir. Ana övladını döydükdən sonra boğaraq öldürüb.

Yerli hüquq-mühafizə orqanlarından APA-nın Qarabağ bürosuna bildirilib ki, P. Kərimova 2003-cü ildə 4 aylıq oğlunu da suda boğaraq öldürüb. 9 il əvvəl cinayət məsuliyyətinə cəlb edilən Pərvanə Kərimova Gəncə Ruhi Əsəb Dispanserində müalicə olunub.

O, növbəti dəfə övladını öldürdükdən sonra ağır stress vəziyyətində Goranboy Rayon Mərkəzi Xəstəxanasına yerləşdirilib.

Faktla bağlı Goranboy Rayon Prokurorluğunda cinayət işi başlanıb.

Çox Oxunanlar