Bizimlə əlaqə | Reklam
BolgeXeber.Com » Bölgə » Gəncə dindarları etiraz edir

Gəncə dindarları etiraz edir

16-04-2012, 14:00
Oxunub: 5 765

Gəncədə dindarlar məscidlərə elektrik sayğaclarının quraşdırılmasını birmənalı qarşılamayıblar.

Gunxeber.com-un ganca.az saytına istinadən verdiyi məlumata görə, Şəhərin Şah Abbas Came məscidində namaz qılan bir neçə şəxsin dediyinə görə, iki gündür ki, məscidə işıqlar yanmayıb və gecələr şam işığı ilə namaz qılmağa məcbur olublar. İşıqların yanmamasının səbəbini açıqlayan Gəncə Regonal Elektrik Şəbəkəsinin müdiri Əhməd Musayevin sözlərinə görə, ötən həftədən başlayaraq şəhərdə olan 7 məscidin hamısına elektrik sayğacları quraşdırılıb.

Bir neçə gün öncə isə Şah Abbas məscidində elektirik sayğacının quraşdırma işləri tamamlanıb. Lakin məscidin nümayəndələri bu işi bir mənalı qarşılamayıb:

“Onlar etiraz ədərək bildiriblər ki, “Allahın evi”nə niyə sayğac quraşdırırısız? Bizə əvvəlki kimi elektrik verilsin.” O bildirib ki, dövlət tərəfindən verilən xüsusi tapışırığa əsasən respublikanın bütün məscidlərində sayğaclar quraşdırılıb.

Ə.Musayev onu da bildirib ki, quraşdırılan sayğaclar kart sistemli olduğu üçün kartlar bütün axundlara təhvil verilib və onların özləri poçt şöbələrində ödəniş edərək, enerjiyə olan tələbatlarını aradan qaldırmalıdırlar:

“Mən həmin məscidin axundu ilə görüşdüm və sayğacın kartını ona təhvil verdim. Onların özləri gedib ödəniş etmeyiblər ki, məscidin işıqları yansın”.

Ə.Musayev onu da qeyd edib ki, bu cür problem digər məscidlərdə isə yaranmayıb.

Şah Abbas məscidinin axundu Hacı İsgəndərin verdiyi məlumata görə, işıqların yanmamasına Gəncə Regonal Elektrik Şəbəkəsi ilə aralarında olan anlaşılmazlıq səbəb olub:

“Mən bildirmişdim ki, “Allahın evi”inə niyə sayğac quraşdırılır, bunu etməmək olmazmı?, onlar da bildirdi ki, hökümət qərarı ilə görülən işdir və bütün məscidlərə sayğaclar quraşdırılır.”
Məscidin axundu onu da vurğulayıb ki, yaranmış problem hazırda aradan qaldırılıb və məscidin işıqları yanır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]