BolgeXeber.Com » Bölgə » Zaqatalada evlər çöküb, məktəblərə ziyan dəyib

Zaqatalada evlər çöküb, məktəblərə ziyan dəyib

7-05-2012, 13:15

Oxunub: 7 733

Xəbər verildiyi kimi, mayın 7-də səhər saatlarında Zaqatala rayonunda üç dəfə yeraltı təkan baş verib. 12 ballıq şkala üzrə ilk təkan 7 bal, sonrakı təkanlar 3 bal gücündə olub.

Zaqatala Rayon İcra Hakimiyyətinin müavini Həmzə Suleymanov “Media forum” saytına açıqlamasında deyib ki, hazırda zəlzələnin fəsadları haqqında məlumatlar toplanır: “Fəsadlar istər rayon mərkəzini, istərsə də kəndləri əhatə edir. Bəzi yaşayış evlərinin divarları çöküb. İlkin məlumata görə, orta məktəb binalarında çatlar yaranıb, dağıntılar da olub.

Xəsarət alanlar haqqında hələ ki, heç bir məlumat yoxdur.

Zaqatala Rayon İcra Hakimiyyəti qruplar yaradıb. Həmin qruplar zəlzələdən törənən problemlərlə tanış olur, protokol tətbiq edirlər. Hazırda məlumatlar dəqiqləşdirilir. Zaqatala Rayon İcra Hakimiyyəti başçısının birinci müavini Elman Ramazanovun rəhbərliyi ilə fövqəladə hallar komissiyası zəlzələ ilə bağlı araşdırmaları davam etdirir.

Çox Oxunanlar