Bizimlə əlaqə | Reklam
BolgeXeber.Com » Bölgə » Avtoxuliqan polisə ağır kəllə-beyin travması yetirib

Avtoxuliqan polisə ağır kəllə-beyin travması yetirib

7-05-2012, 23:55
Oxunub: 5 311 Hadisə Şirvan şəhərində baş verib

Şirvan sakini polisə müqavimət göstərərək ona ağır kəllə-beyin travması yetirib. Bu barədə APA-nın Mil-Muğan bürosuna Şirvan şəhər polis şöbəsinin müstəntiqi Elnur Cəfərov məlumat verib. Müstəntiqin bildirdiyinə görə, Şirvan şəhər sakini Etibar Həbibov, dostları Namiq Həziyev və Ramil Hüseynovla birlikdə idarə etdiyi avtomobillə avtoxuliqanlıq edərkən, həmin ərazidə xidmət aparan polis əməkdaşları Teymur Həsənov və Əkbər Cəfərov onlara yaxınlaşaraq hərəkətlərinə son qoymağı tələb edib. Lakin polisin tələblərinə əhəmiyyət verməyən sürücü Etibar Həbibov polis əməkdaşlarına müqavimət göstərərək Teymur Həsənovu vuraraq ona ağır kəllə-beyin travması yetirib.

Teymur Həsənov əvvəlcə Şirvan şəhər mərkəzi xəstəxanasının reanimasiya şöbəsinə yerləşdirilsə də, daha sonra vəziyyəti ağır olduğundan paytaxt Bakı şəhərinə gətirilib.

Daha sonra həmin sürücü idarə etdiyi avtomaşını hasara çırparaq hadisə yerindən qaçıb. Hadisə 6 may, axşam saatlarında, Şirvan şəhəri Gülbala Şıxbalaoğlu küçəsində baş verib. Hər 3 şəxs saxlanılıb.

Faktla bağlı Şirvan polisində cinayət işi açılıb, araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]