BolgeXeber.Com » Bölgə » Daşkəsəndə ailə faciəsi: 2 ölü, 4 yaralı

Daşkəsəndə ailə faciəsi: 2 ölü, 4 yaralı

15-05-2012, 10:25

Oxunub: 4 563

Mayın 14-də Daşkəsən rayonunda dəhşətli yol-nəqliyyat hadisəsi baş verib.

Baş Dövlət Yol Polisi İdarəsindən verilən məlumata görə, Daşkəsən-Gəncə yolunun 29-cu kilometrliyində 90 FM 761 nömrə nişanlı “VAZ 2107” aşırımdan çaya aşıb. Nəticədə avtomobildə olan sərnişinlərdən 1938-ci il təvəllüdlü Quliyeva Maral Həsən qızı və onun nəvəsi, 2006-cı il təvəllüdlü Quliyeva Maral Zəki qızı aldıqları ağır xəsarətlərdən hadisə yerində dünyalarını dəyişiblər.

Avtomobildə olan digər sərnişinlər – 1962-ci il təvəllüdlü Quliyeva Nailə İmran qızı, 1961-ci il təvəllüdlü Məmmədova Rufa İdris qızı, 1993-cü il təvəllüdlü Məmmədova Bilqeyis Şakir qızı, həmçinin sürücü 1990-cı ildə anadan olmuş Qarayev Elnur Qaraş oğlu ağır vəziyyətdə xəstəxanaya aparılıblar.

Faktla əlaqədar araşdırma aparılır.

Qəzada ölən və yaralananlar bir ailənin üzvləri və yaxın qohumlardır.

Çox Oxunanlar