BolgeXeber.Com » Bölgə » Bərdədə “Xəmsə” Milli İntellektual Oyununun rayon çempionatı keçirilmişdir-FOTO

Bərdədə “Xəmsə” Milli İntellektual Oyununun rayon çempionatı keçirilmişdir-FOTO

3-03-2016, 19:59

Oxunub: 4 480

Çempionatda rayonun 16 məktəbinin (10 şəhər,6 kənd) komandaları iştirak etmişdir

02-03 yanvar ,2016-cı il tarixlərdə ak.Z.Əliyeva adına texniki fənlət təmayüllü məktəb-liseydə YAP Bərdə rayon təşkilatının,Gənclər və İdman idarəsinin və Təhsil şöbəsinin birgə təşkilatçılığı ilə yeniyetmələr arasında YAP Bərdə rayon təşkilatının təsis edilməsinin 23-cü ildönümünə həsr olunmuş “Xəmsə” Milli İntellektual Oyununun rayon çempionatı keçirilmişdir.

01 yanvar 2016-cı ildə YAP Bərdə rayon təşkilatınında keçirilən püşkatma nəticəsində komandalar hər birində 4 komanda olmaqla 4 yarımqrupda öz güclərini sınamışlar.

Tədbiri giriş sözü ilə Bərdə rayon Gənclər və İdman idarəsinin baş məsləhətçisi Aydın Qasımov açaraq tədbir barədə və oyunun keçirilməsi qaydaları haqqında danışdı.

YAP Bərdə rayon təşkilatının baş təlimatçısı Cavid İbişov çıxış edərək Yeni Azərbaycan Partiyası Bərdə rayon təşkilatının təsis edilməsi və fəaliyyəti barədə ətraflı məlumat verdi.

Rayon Təhsil şöbəsinin metodisti Anar Baxşəliyev çıxış edərək komandalara uğurlar arzuladı.

Çempionat əsasnaməyə uyğun olaraq keçirilmişdir.Öz yarımqruplarında daha güclü olan T.Qurbanov adına Xanqaraqoyunlu,F.Sadıqov adına Qaradəmirçi kənd,Kətəparaq kənd və N.Nərimanov adına 3 saylı şəhər tam orta məktəblərin komandaları final mərhələsində iştirak etmək hüququ qazanmışlar.

Gərgin mübarizə şəraitində keçən final mərhələsində daha yüksək bilik səviyyəsi nümayiş etdirən Kətəparaq kənd tam orta məktəbin komandası I yeri, N.Nərimanov adına 3 saylı şəhər tam orta məktəbin komandası II yerə,T.Qurbanov adına Xanqaraqoyunlu kənd tam orta məktəbin komandası isə III yerə layiq görülmüşlər.

Yarışın keçirilməsində Bərdənin “Hərum” komandasının üzvlərinin və könüllülərin hazırladıqları sual paketindən istifadədə edilmişdir.

Qalib komandalar təşkilatçılar tərəfindən müvafiq dərəcəli diplom və xatirə hədiyələri ilə mükafatlandırılmışlar.
Bolgexeber.com

Çox Oxunanlar