Bizimlə əlaqə | Reklam
BolgeXeber.Com » Bölgə » Hamil Hadıyevi yeznəsi himayə edir

Hamil Hadıyevi yeznəsi himayə edir

18-05-2012, 14:25
Oxunub: 5 456 Masallı torpaq şöbəsinin müdirinin qohumu ona özbaşınalıq etmək üçün bütün imkanları yaradıb

Xəbər verdiyimiz kimi, Masallı rayonunda torpaqla bağlı yaranmış problem pik həddinə çatıb. Artıq bununla bağlı «Kanal Avropa»da yayımlanan «Azərbaycan Saatı» verilişində də geniş reportaj hazırlanaraq, yayımlanıb.

Bundan bərk narahat olan rayon rəhbərliyi isə təcili tədbirlərə əl atsalar da, nəticə əldə edə bilməyiblər. Belə ki, Torpaq və Xəritəçəkmə Komitəsinin Masallı rayon şöbəsinin müdiri Hamil Hadıyevdən torpaqları zəbt etmək əməllərindən əl çəkməsini tələb etsələr də, qarşı tərəf buna əks reaksiya verib. Onun bu hərəkətlərinə qarşılıq olaraq işdən çıxarılması məsələsini gündəmə gətirən yerli İcra Hakimiyyəti bu istəyinə də nail ola bilməyib. Səbəb kimi isə Hamil Hadıyevin arxasında güclü adamların dayanması göstərilir.

Bu barədə Bolgexeber.com-a məlumat verən mənbə bildirib ki, Hamil Hadıyevin bu qədər sərbəst və qorxusuz hərəkət etməsinin əsas səbəbi yeznəsinin Torpaq və Xəritəçəkmə Komitəsinin kadrlar şöbəsində mühüm vəzifə tutmasıdır. Təkcə indiki torpaq qalmaqalı ilə deyil, həmçinin bundan əvvəl də yeznəsi Hadıyevə sərbəst hərəkət etmək təminatı verib. Ona görə də, ondan edilən bütün şikayətlər yekunda qohumunun əlinə keçir və orada da ört-basdır olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]