Bizimlə əlaqə | Reklam
BolgeXeber.Com » Bölgə » Goygöldə mikroavtobus "Kamaz"la toqquşdu: 5 ölü, 5 yaralı

Goygöldə mikroavtobus "Kamaz"la toqquşdu: 5 ölü, 5 yaralı

13-06-2012, 22:40
Oxunub: 5 582 Göygöl rayonunda ağır yol qəza hadisəsi baş verib.

Bolgexeber.com Kəpəz TV-yə istinadən xəbər verir ki, Bakı-Qazax magistralının Göygöl rayonu ərazisindən keçən hissəsində ağır yol qəzası baş verib, 5 nəfər ölüb, 5 nəfər yaralanıb. Hələlik ölənlərin və yaralıların kimliyi məlum deyil.

Hadisə saat 16:30-da qeydə alınıb. 20 DB 618 dövlət nömrə nişanlı “Mercedes Vito” markalı kiçiktutumlu avtomobil Şəmkir istiqamətində hərəkətdə olarkən qarşı tərəfdən gələn 10 RA 398 dövlət nömrə nişanlı yük avtomobili ilə toqquşub.

Göygöl Rayon DYP bölməsinin rəisi Vüqar Hüseynov: ““Vito” markalı avtomobil Şəmkir istiqamətindən hərəkətdə olarkən qarşıdan gələn “Mercedes” “Hyundai” yük maşınının yoluna çıxaraq toqquşmuşdular. Hadisədən sonra “Vito”da olan 5 nəfər sərnişin həlak olmuşdur”.

“Vito”da olan daha 2 sərnişin, eləcə də yük avtomobilinin sürücüsü və 2 sərnişini isə müxtəlif dərəcəli bədən xəsarətləri ilə Gəncə Şəhər Təcili Tibbi Yardım Xəstəxanasına yerləşdirilib. Həkimlər yaralılardan birinin vəziyyətinin ağır, digər 4-nün isə orta ağır kimi qiymətləndirib.

Həkim Telman Feyzullayev: “Reanimasiyada olan xəstədə həyati təhlükə var. Çünki onda açıq kəllə - beyin travmasıdır. Palataya yerləşdirilən xəstələrin vəziyyəti isə orta ağırdır, həyatı təhlükə yoxdur”.

Hadisə yerinə Fövqəladə Hallar Nazirliyinin xilasediciləri cəlb olunub. Onlar xüsusi texnikalardan istifadə edərək meyidləri avtomobildən çıxarıblar.

Qəzada ölən və yaralıların kimliyi, eləcə də toqquşmanın baş vermə səbəbləri haqqında hələlik məlumat verilmir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]