BolgeXeber.Com » Bölgə » Qazaxda toyda qan töküldü

Qazaxda toyda qan töküldü

11-11-2010, 13:55

Oxunub: 6 290

Toy mərasimində bıçaqlanma hadisəsi olub

Qazax rayonun Ağköynək kəndində noyabrın 10-da saat 18 radələrində toy mərasimində qan düşüb. Rayon Polis İdarəsindən verilən məlumata görə, 1990-cı il təvəllüdlü Zülfüqar Süleymanov 1989-cu il doğumlu Əhməd Arıxovu bıçaqlayıb. O, Arıxova 3 bıçaq zərbəsi endirib. Zərbələrdən ikisi kürək nahiyəsindən dəyib, digəri isə anal dəliyinə tuş gəlib. Yaralı təcili tibbi yardım maşını ilə xəstəxanaya aparılıb və əməliyyat olunub. Həkimlər xəstənin həyatını xilas etdiklərini deyiblər. Lakin Ə.Arıxovun ifadəsini almaq hələ də mümkün olmayıb.

Qeyd edək ki, hadisə şəxsi münaqişə zəminində baş verib. Toya gələn hər iki gəncin sözü çəp gəlib və onlar arasında mübahisə düşüb. Bir-birini söyüb-təhqir edəndən sonra Z.Süleymanov üstündə gəzdirdiyi bıçağa əl atıb.

Faktla bağlı sağlamlığa qəsdən zərbə vurma maddəsi ilə cinayət işi başlanılıb. Hadisəni törətmiş 20 yaşlı gənc saxlanılıb.

Çox Oxunanlar