Bizimlə əlaqə | Reklam
BolgeXeber.Com » Bölgə » Bakı-Astara yolunda baş verən hadisə ilə bağlı rəsmi açıqlama yayıldı

Bakı-Astara yolunda baş verən hadisə ilə bağlı rəsmi açıqlama yayıldı

10-08-2012, 15:25
Oxunub: 5 296 Daxili İşlər Nazirliyi yol qəzasında polis əməkdaşının ölümü ilə bağlı məlumat yayıb.

Bolgexeber.com-un Daxili İşlər Nazirliyinin rəsmi saytına istinadən verdiyi məlumata görə, avqustun 9-da saat 23:00 radələrində Qaradağ rayonunun Qobustan qəsəbəsi ərazisində, Masallı rayon sakini Siyavuş Məmmədov "KamAZ" markalı avtomaşını idarə edərkən onu qarşıda gedən Şəmkir rayon sakini Maluzər Əliyevin idarə etdiyi "KamAZ" markalı avtomaşının qoşqusuna vurub və qoşqu aşıb.

Nəticədə Məmmədov hadisə yerində ölüb. Bununla əlaqədar hadisə yerinə gəlmiş Qaradağ Rayon Polis İdarəsinin 11-ci polis bölməsinin rəisi Vüsal Qaraşov və idarənin əməkdaşı Babagözəl Hacıyev həmin ərazidən keçən müəyyən edilməmiş avtomaşınla vurulublar.

Hacıyev hadisə yerində ölüb, xəsarət almış Qaraşova isə xəstəxanada tibbi yardım göstərildikdən sonra buraxılıb.

Görülmüş tədbirlər nəticəsində hadisənin "Mitsubishi-Pajero" markalı avtomaşının sürücüsü, Ələt qəsəbə sakini Xasay İsmayılov tərəfindən törədilməsi müəyyən edilib və o, tutulub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]