Bizimlə əlaqə | Reklam
BolgeXeber.Com » Bölgə » Beyləqanda müəllimlərdən "haqq" yığlrlar

Beyləqanda müəllimlərdən "haqq" yığlrlar

11-08-2012, 00:20
Oxunub: 5 156 Onların dediyinə görə, bunu rayon Təhsil Şöbəsi Həmkarlar Təşkilatının sədri edir

Beyləqanda müəllimlərin əmək haqlarından məcburi qaydada 2 faiz «haqq» tuturlar. Bu barədə TİA.AZ-a təhsil işçiləri məlumat veriblər. Onların dediyinə görə, qanuna əsasən həmin pul könüllü olaraq verilməlidir. Lakin rayon Təhsil Şöbəsinin Həmkarlar İttifaqının sədri Tahir Həsənov qanunu bir kənara qoyaraq, öz bildiyini edir.

Müəllimlər bildiriblər ki, T.Həsənov sözügedən vəzifəyə bir neçə aydır təyinat alıb. İşə başlayan gündən 2 faiz məsələsini gündəmə gətirən təşkilat sədri həmin vəsaiti özünə sərf edir. «Tahir Həsənov vəzifəyə keçəndən ancaq otağını bəzəməklə məşğuldur. Təşkilat üçün yığılan pullar azmış kimi, öz otağına da avadanlıq almaq üçün müəllimlərdən pul tutur. Kimsə də ona bir söz demir. Çünki arxasında dayanan adamlar var».

Bizə danışan təhsil işçiləri vurğulayırlar ki, Tahir Həsənov müəllimlərə verilməli olan güzəştli sanatoriya putyovkaları da kəsib. Dhaa doğrusu, həmin putyovkanı ancaq yaxın adamlarına verir. «Ondan bu barədə soruşanda deyir ki, putyovka yoxdur. O daha sonra «Təşkilatın pulu mənim cibxərcliyim belə etmir. İndi hardan pul tapıb sizə putyovka alım?» deyir».

Amma beyləqanlı müəllimlər TİA.AZ-a maraqlı bir statistik göstəricilər də təqdim ediblər. Həmin məlumatlara görə, hal hazırda rayonda Təhsil Şöbəsi Həmkarlar İttifaqının nəzdində 71 idarə, müəssisə və təşkilat var. Orta ümumtəhsil (əsas, ibtidai, səkkizilliklə birlikdə) məktəblərin sayı isə 50-dir. Rayonda 16 uşaq bağçası, 1 Uşaq yaradıcılıq mərkəzi, 1 Uşaq gənclər idman məktəbi və 1 Şahmat məktəbi fəaliyyət göstərir.

Məlumatda o da vurğulanır ki, bu idarə və müəssisələrdə işləyənlərin sayı 3119 nəfər təşkil edir. Onlardan həmkarlar ittifaqı üzvlərinin sayı 3119 nəfərdir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]