BolgeXeber.Com » Bölgə » Lənkəran rayonunda yol qəzasında bir nəfər ölüb, üç nəfər yaralanıb

Lənkəran rayonunda yol qəzasında bir nəfər ölüb, üç nəfər yaralanıb

24-08-2012, 10:50

Oxunub: 4 138

Lənkəranda ölümlə nəticələnən ağır yol-nəqliyyat qəzası baş verib.

Bolgexeber.com-un məlumatına görə, hadisə avqustun 23-də saat 20.20 radələrində Ələt-Astara magistralının 184-cü kilometrliyində-rayonun Şirinsu kəndi ərazisində qeydə alınıb. “Mersedes” markalı avtomobillə Rusiya nömrə nişanlı “VAZ-2109” markalı avtomobilin toqquşması nəticəsində “VAZ-2109”-un sərnişini, Lənkəranın Şilavar kənd sakini Cəbrayıl İbayev hadisə yerindəcə dünyasını dəyişib. Hər iki avtomobildəki daha üç sərnişin isə müxtəlif dərəcəli bədən xəsarətləri ilə Lənkəran Regional Diaqnostika Mərkəzinə yerləşdirilib.
Faktla bağlı Daxili İşlər Nazirliyinin Baş Dövlət Yol Polisi İdarəsinin istintaq və təhqiqat şöbəsində araşdırmalara başlanıb.

Çox Oxunanlar