BolgeXeber.Com » Bölgə » Avtomobil çaya düşüb, bir nəfər ölüb, dörd nəfər yaralanıb

Avtomobil çaya düşüb, bir nəfər ölüb, dörd nəfər yaralanıb

30-08-2012, 10:30
Oxunub: 5 242 Xızı rayonu ərazisində ölümlə nəticələnən yol qəzası olub.

Bolgexeber.com-un Fövqəladə Hallar Nazirliyinin (FHN) saytına istinadən verdiyi məlumata görə, Xızı rayonunun Giləzi kəndi ərazisində vətəndaşa məxsus “Opel” markalı minik avtomobili idarəetməni itirərək Giləzi çayına düşüb.

Hadisə yerinə cəlb olunmuş FHN-in xilasediciləri ərazidə müvafiq təhlükəsizlik tədbirləri görüblər. Hadisə şahidlərinin bildirdiklərinə əsasən, sürücü Hacıyev Sahib Hüseyn oğlu hadisə yerində ölüb, avtomobildə olan 4 sərnişin isə xəsarət alıb.

Sürücünün meyiti və yaralılar hadisə yerinə çağırılmış Təcili Tibbi Yardım Stansiyasının əməkdaşları tərəfindən xəstəxanaya aparılıblar.