Bizimlə əlaqə | Reklam
BolgeXeber.Com » Bölgə » Tərtərdə 4 nəfər azadlıqdan məhrum olunub

Tərtərdə 4 nəfər azadlıqdan məhrum olunub

25-12-2010, 21:15
Oxunub: 7 168
Onlar rayonda baş vermiş kütləvi davada günahlandırılıblar

Bu ilin iyul ayında Azərbaycanın Tərtər rayonunda bir qrup məcburi köçkünlə yerli sakinlər arasında baş vermiş toqquşma ilə bağlı açılmış cinayət işi üzrə məhkəmə prosesi yekunlaşıb.

İnsidentlə bağlı hər iki tərəfdən iki nəfər olmaqla davanın 4 iştirakçısı - Məhərrəmov Rövşən Sərdar oğlu, Dünyamalıyev Ramiz Xanəli oğlu, Paşayev Rövşən Ənur oğlu, İbrahimov İlqar Davud oğlu Tərtər rayon Məhkəməsinin hökmü ilə 3 il müddətinə azadlıqdan məhrum ediliblər. Tərtər rayon Məhkəməsindən APA-nın Qarabağ bürosuna faktı təsdiqləyiblər.

Məhkəmə prosesi başa çatana qədər sözügedən kütləvi davada iştirak etmiş hər iki tərəfdən beş nəfər olmaqla Tərtər Məhkəməsinin qərarı ilə 10 iştirakçının - Məhərrəmov Rövşən Sərdar oğlu, Paşayev Rövşən Ənur oğlu, Məmmədov Nurəddin Cahangir oğlu, Musayev Kənan Hacı oğlu, Atayev Mətləb İman oğlu, Dünyamalıyev Ramiz Xanəli oğlu, Dünyamalıyev Akif Xanəli oğlu, Həsənov Mürşid Şamil oğlu, İbrahimov İlqar Davud oğlu və İbrahimov Zülfüqar Davud oğlu barəsində CM-nin 221.2.1, 221.2.2 və 221.3 maddələri ilə həbs qəti imkan tədbiri seçilib. Onlardan yalnız 4-ü azadlıqdan məhrum etmə cəzasına məhkum edilib.

Hadisə zamanı rayonda xeyli sayda ticarət və iaşə obyektinə zərər dəyib, polis əməkdaşı və 10 yerli sakin müxtəlif dərəcəli bədən xəsarətləri alaraq Tərtər və Ağdam Mərkəzi Rayon Xəstəxanalarına yerləşdiriliblər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]