BolgeXeber.Com » Bölgə » İcra başçısının iki müavini qəzaya düşdü

İcra başçısının iki müavini qəzaya düşdü

16-09-2012, 10:05

Oxunub: 4 350

Ucar rayonu ərazisində ağır yol-nəqliyyat hadisəsi baş verib. Hadisə dünən - sentyabrın 15-də saat 11:00 radələrində Ucar-Zərdab əsas magistral yolunun Ucar rayonunun Qazyan kəndindən keçən hissəsində baş verib.

Ucar Rayon İcra Hakimiyyəti başçısının sosial-iqtisadi məsələlər üzrə müavini Vaqif Mehdiyevin idarə etdiyi 10 AE 145 dövlət nömrə nişanlı “Niva” markalı avtomobil əks istiqamətdə hərəkət edən Qazyan kənd sakini Mahmud İbrahimovun idarə etdiyi 23 T 289 dövlət nömrə nişanlı traktorla toqquşub. Nəticədə V.Mehdiyev və sərnişini, Ucar Rayon İcra Hakimiyyəti başçısının I müavini, rayon fövqəladə hallar komissiyasının sədri Əbil Mehdiyev müxtəlif dərəcəli bədən xəsarətləri ilə Ucar rayon mərkəzi xəstəxanasına yerləşdiriliblər. Reanimasiya şöbəsinə yerləşdirilən Ə.Mehdiyevin vəziyyəti ağır qiymətləndirilir. Məlumata görə, icra başçısının hər iki müavin Qazyan kəndində məktəb açılışına gedirmiş (APA).

Çox Oxunanlar