Dağıstan rəhbəri Xaçmaza gedib
6-01-2011, 15:40
Oxunub: 7 203
Maqomedsalam Maqomedovu şəhər rəsmiləri qarşılayıblar
Rusiya Federasiyası Dağıstan Respublikasının başçısı Maqomedsalam Maqomedovun Azərbaycana qeyri-rəsmi səfəri davam edir. O bu gün Qəbələdən Xaçmaz şəhərinə gedib. Bolgexeber-in bölgə müxbirinin məlumatına görə, onun helikopteri saat 12:45 radələrində Xaçmaz şəhərindəki modul stansiyaya enib.
Respublika rəhbərini rayonun icra başçısı Şəmsəddin Xanbabayev, hüquq-mühafizə orqanlarının rəhbərləri qarşılayıblar. İki ölkənin dövlət rəsmiləri bu gün Heydər Əliyevin və Dağıstan-Azərbaycan münasibətlərinin inkişafında xüsusi xidmətləri olmuş Əziz Əliyevin Xaçmazdakı abidələrini ziyarət edəcəklər. Bundan sonra onların rayondakı İlham bulağı, tikintisi davam edən Heydər bulağı, Qala kompleksi, Heydər Əliyev muzeyi, eləcə də Şəxsiyyətlər və Dostluq muzeylərini ziyarət edəcəyi gözlənilir.
Qeyd edək ki, Maqomedsalam Maqomedovu müşayiət edənlər arasında Dərbənd İcra Hakimiyyətinin başçısı Qurban Qurbanov, Dağıstan Respublikasının Azərbaycandakı nümayəndəliyinin rəhbəri Maqomed Qurbanov və sairələri var.
Ziyarətdən sonra Xaçmazdakı istirahət mərkəzlərinin birində qonaqların şərəfinə dostluq ziyafəti veriləcək.
Daha sonra Dağıstan rəhbəri Qusarın Rusiya-Azərbaycan sərhədində yerləşən Samur keçid məntəqəsindən Dağıstana gedəcəyi gözlənilir.
Qeyd edək ki, Rusiya prezidenti Dmitri Medvedev ötən il dekabr ayının sonlarında Federasiya subyektləri rəhbərlərinə özlərini prezident adlandırmağı qadağan edən qanun imzalayıb. Qanun 2010-cu il 21 dekabr tarixində Dövlət Duması tərəfindən qəbul olunub və dekabrın 24-də Federasiya şurası sənədi təsdiq edib. Müvafiq dəyişiklik “Rusiya Federasiyası subyektlərinin dövlət hakimiyyəti qanunverici və icra orqanlarının ümumi prinsipləri haqqında” federal qanunun 18-ci maddəsinə daxil edilib.
Qanuna əsasən, indi subyekt prezidentləri “başçı”, “rəhbər”, “hökumət rəhbəri” və s. adlandırılacaqlar.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
