BolgeXeber.Com » Bölgə » Siyəzən rayonu qaranliğa qərq olub

Siyəzən rayonu qaranliğa qərq olub

15-11-2012, 16:30

Oxunub: 4 114

Rayona elektrik enerjisinin verilməsi naməlum səbəbdən dayandırılıb

“Ay qardaş, dərdimizi kimə deyək? Hara zəng edirik, deyirlər ki, işıq olacaq. Dünəndən işıqı ümumiyyətlə vermirlər. Camaat da yarızarafat deyir ki, Siyəzəndə artıq dekabrın 21-dir, dünyanın dağılması buradan başlayır” – bu sözləri redaksiymızla əlaqə saxlayan Siyəzən sakini deyib.

O, rayondakı bir sıra obyektlərin, yanacaqdoldurma stansiyalarının generatorla çalışdığını da deyib: “İcra başçısının, müavinin, rayon rəhbərliyində olanların işıqları yanır. Çünki onların generatorun özünü, benzinini almağa imkanları var. Ona görə də camaatın işığı var, yoxdur, bununla maraqlanmırlar. İcra Hakimiyyətinə gedirsən, deyirlər ki, baxacağıq, araşdıracağıq. 1 aydır ki, fasilə ilə işıq verirdilər, dünəndən isə ümumiyyətlə vermirlər. Səbəbini deyən yoxdur”.
Məsələ ilə bağlı Siyəzən Rayon İcra Hakimiyyətinin və müvafiq qurumlarının münasibətini dərc etməyə hazırıq.

Çox Oxunanlar