BolgeXeber.Com » Bölgə » Özünü FHN əməkdaşı kimi təqdim edən fırıldaqçı tutulub

Özünü FHN əməkdaşı kimi təqdim edən fırıldaqçı tutulub

21-11-2012, 11:40

Oxunub: 3 936

İmişli polisi özünü Fövqəladə Hallar Nazirliyinin (FHN) əməkdaşı kimi təqdim edən şəxsi saxlayıb.

İmişli RPŞ-nin istintaq bölməsinin rəisi Elnur Məmmədovun Bolgexeber.com -a verdiyi məlumata görə, İmişli polisi özünü FHN əməkdaşı kimi təqdim edən İmişli rayon sakini, əvvəllər məhkum olunmuş, 1967-ci il təvəllüdlü Miriyev Mirağa Miri oğlunu saxlayıb.

M.Miriyev Kür daşqınlarından zərər çəkən vətəndaşlardan 2011-2012-ci illərdə dələduzluq yolu ilə 20 min manata qədər pul alıb. Bu zaman o, özünü FHN-in əməkdaşı kimi təqdim edərək onlara ev tikiləcəyini söz verib. Hələlik istintaqa onun tərəfindən aldadılmış 12 nəfərin ərizəsi daxil olub. İstisna olunmur ki, aldadılmış vətəndaşların sayı arta bilər.

Adı çəkilən şəxs barəsində Cinayət Məcəlləsinin 178.2.2, 178.2.4 maddələri ilə cinayət işi açılıb, istintaq araşdırmaları aparılır.

Çox Oxunanlar